Ffasiwn gynaliadwy
Mae Cyfeillion y Ddaear Cymru yn aelod o Dillad a Thecstilau Cynaliadwy Cymru, sef cynghrair o elusennau, busnesau lleol, darparwyr addysg ac unigolion brwd.
Mae’r aelodau’n cynnwys Sustainable Fashion Wales, Repair Cafe Wales, Rhaglen Eco-Sgolion Cadwch Gymru’n Daclus, ac Onesta, y manwerthwr ffasiwn. Ein cenhadaeth yw arddangos y gwaith gwych ac amrywiol sy’n llwyddo i wneud ffasiwn a thecstilau yn fwy cynaliadwy yng Nghymru, yn ogystal ag ysbrydoli ysgogwyr newid i sicrhau y bydd y diwydiant hwn yn cael gwell cymorth, y bydd ganddo gysylltiadau gwell ac y bydd yn cael ei brif ffrydio i raddau mwy trwy’r wlad.
Mae gan Gymru y potensial i fod yn arweinydd y byd mewn ffasiwn gynaliadwy. Er mwyn gwireddu hyn, rydym yn galw am y canlynol:
- Rôl newydd ar gyfer Cyfarwyddwr Ffasiwn a Thecstilau Cynaliadwy yn Llywodraeth Cymru.
- Cynllun cyfnewid gwisgoedd ysgol a dillad chwaraeon ym mhob ysgol.
- Ymgysylltu rhwng Llywodraeth Cymru a ni i drafod a datblygu mentrau busnes.
- Cynllun Gweithredu Microblastigau i Gymru.
I gael rhagor o wybodaeth, darllenwch ein hadroddiad.
The fashion industry has a huge carbon footprint. It is estimated to be responsible for around 10% of the world’s greenhouse gas emissions.
