Gosod paneli solar
Published: 4 Feb 2022
Mae paneli solar (a elwir hefyd yn baneli ffotofoltäig neu’n baneli PV), ynghyd â theils a llechi solar, yn defnyddio ynni’r haul ac yn ei droi’n drydan y gallwch ei ddefnyddio yn eich cartref a’i werthu’n ôl i’r grid cenedlaethol.
Arferai llywodraeth y DU redeg cynllun o’r enw Tariff Cyflenwi Trydan, ond yn anffodus daeth y cynllun hwn i ben a bellach mae wedi cael ei ddisodli gan y Gwarant Allforio Deallus – mae’r cynllun hwn yn rhoi tâl i ddeiliaid tai sy’n berchen ar baneli solar am ‘allforio’ trydan i’r grid.
Yn ôl amcangyfrif Project Drawdown, gyda rhagor o dwf fe allai ynni solar o’r fath ‘osgoi oddeutu 27-69 gigatunnell o allyriadau nwyon tŷ gwydr.’
Os ydych chi’n ystyried cael paneli solar, yna mae’r Ymddiriedolaeth Arbed Ynni yn fan cychwyn gwych i gael gwybodaeth.
Cymerwch gipolwg ar y Cyfeiriadur Busnesau Gwyrdd, sef rhestr o gyflenwyr a gosodwyr ynni adnewyddadwy a mesurau arbed ynni a achredir gan yr Ymddiriedolaeth Garbon.
Edrychwch hefyd ar wefannau Which, Money Saving Expert, Greenmatch, Solarguide a Green Business Watch.