Etholiad Cyffredinol 2024 - adnoddau ar gyfer grwpiau
Ar 4 Gorffennaf 2024, bydd pobl ledled y wlad yn mynd i’r blychau i bleidleisio dros eu ASau yn y dyfodol. Mae hon yn foment allweddol i’n mudiad, oherwydd bydd pwy bynnag sy’n ennill yr etholiad nesaf yn pennu a yw’r DU yn cyrraedd targedau hinsawdd hanfodol, yn diogelu ein hiechyd a’n lles nawr, ac yn diogelu ein planed ar gyfer cenedlaethau’r dyfodol.
Mae angen i ni ddefnyddio’r cyfle hwn i ysgogi ein cymunedau, meithrin a chryfhau cysylltiadau â’n rhai sy’n gwneud penderfyniadau nawr ac yn y dyfodol, a mynnu bod gweithredu ar yr hinsawdd a natur yn rhan annatod o’r agenda wleidyddol am flynyddoedd i ddod.
Os yw eich grŵp yn rhan o ymgyrch Unedig dros gartrefi Cynnes, edrychwch ar ein canllaw ar ymgyrch etholiadol Cartrefi Cynnes hefyd.
Gadewch i ni uno fel cyfeillion y ddaear yr etholiad hwn.
Am beth rydyn ni’n galw
Mae’r etholiad cyffredinol yn gyfle allweddol i roi cyfiawnder amgylcheddol ar frig rhestr flaenoriaethau’r ymgeiswyr. Mae gennym 4 galwad ar gyfer y llywodraeth nesaf:
1. Cynllun hinsawdd newydd uchelgeisiol sy’n cyflawni ein haddewid byd-eang i helpu i atal newid trychinebus yn yr hinsawdd. Rhaid i gynllun hinsawdd newydd y DU fod yn ddigon credadwy a di-oed i sicrhau bod y DU yn cyrraedd ac yn rhagori ar ei nod hinsawdd byd-eang hanfodol ar gyfer 2030 a thargedau cenedlaethol sydd wedi’u rhwymo mewn cyfraith, drwy ostyngiadau sylweddol i allyriadau carbon niweidiol. Rhaid i gynllun hinsawdd newydd sicrhau swyddi gwyrdd hirdymor, diogelu diwydiannau Prydain, a diogelu a chefnogi gweithwyr.
2. Buddsoddi mewn rhaglen inswleiddio cartrefi, stryd ar ôl stryd, gwerth £6 biliwn y flwyddyn, dan arweiniad cynghorau, i leihau biliau ac allyriadau. Dros 2 flynedd ar ôl dechrau’r argyfwng ynni, mae miliynau o bobl yn dal i gael trafferth fforddio gwresogi eu cartrefi, ac mae effeithiau cartrefi oer a llaith ar iechyd yn costio degau o biliynau o bunnoedd i’r GIG. Byddai buddsoddi mewn inswleiddio ac effeithlonrwydd ynni yn creu swyddi gwyrdd, yn lleihau ein biliau ynni ac yn lleihau allyriadau.
3. Rhoi terfyn ar y sgandal carthion a gweithredu i lanhau’r llygredd dŵr ac aer sy’n niweidio ein hiechyd ac yn bygwth ein dyfrffyrdd, ein bywyd gwyllt a’n byd natur. Byddai ymgorffori’r hawl i amgylchedd iach yng nghyfraith y DU yn rhoi’r pŵer i gymunedau ddal cwmnïau a’r llywodraeth yn gyfreithiol atebol am weithgareddau llygru yn lleol, a byddai’n gwella ein hiechyd a’n lles drwy awyr iach, dŵr glân, a mynediad at fannau gwyrdd a choed.
4. Gweithredu i sicrhau bod y DU yn chwarae ei rhan mewn ymdrechion byd-eang i fynd i’r afael â’r argyfwng hinsawdd a natur. Dylai hyn gynnwys cyfraith newydd i atal corfforaethau rhag cyflawni camdriniaeth amgylcheddol a cham-drin hawliau dynol yn eu cadwyni cyflenwi. Rhaid i ni leihau datgoedwigo mewn dalfeydd carbon bioamrywiol fel yr Amazon a’r Cerrado i ddiogelu natur a chymunedau rheng flaen.
Efallai fod gan eich grŵp hefyd faterion lleol, cenedlaethol neu ryngwladol eraill yr ydych am ganolbwyntio arnynt yn eich ymgyrch etholiad cyffredinol, boed hynny’n gwrthwynebu safle echdynnu tanwydd ffosil, atal ehangu maes awyr lle’r ydych yn byw, neu ymuno â’r alwad am gadoediad di-oed a pharhaol yn Gaza, Israel a’r West Bank. Ni waeth beth yw eich ffocws, gallwch ddefnyddio’r cyfle hwn i frwydro dros fyd gwyrddach a thecach.
.
Sut i ennill ymrwymiadau etholiadol
Dyma’r 4 gweithgaredd rydym yn argymell eich bod yn canolbwyntio arnynt i ennill ymrwymiadau gan ymgeiswyr etholiadol a gwneud cyfiawnder amgylcheddol yn ffocws yr etholiad hwn::
- Trefnu hystingau
- Cwrdd â’ch ymgeiswyr etholiadol
- Lledaenu’r gair yn y cyfryngau lleol
- Ehangu eich ymgyrch ar y cyfryngau cymdeithasol (templedi cyfryngau cymdeithasol Cymraeg and delweddau)
Mae gennym lawer o adnoddau i’ch helpu gyda’ch ymgyrchu, fel crysau-t, taflenni a hysbyslenni. Archebwch eich adnoddau etholiad cyffredinol ar-lein am ddim. A gwnewch argraff yn eich cymuned leol drwy argraffu ein poster (sydd hefyd ar gael yn Gymraeg) fel bod pawb yn gwybod ein bod ni’n unedig fel cyfeillion y ddaear yr etholiad hwn. Gallwch hefyd fod yn greadigol drwy ddefnyddio ein stensiliau a’n canllaw DIY defnyddiol i greu eich baneri, eich crysau-t, eich bagiau a llawer mwy!
Mae naratifau’r dde eithafol yn cael troedle cryfach mewn trafodaethau cyhoeddus ac maent yn dod yn fygythiad cynyddol i'n hymgyrch dros gyfiawnder hinsawdd, gyda mythau am yr amgylchedd a’r hinsawdd yn cael eu defnyddio i ysgogi rhyfeloedd diwylliant. Dyna pam ei bod yn bwysig ein bod yn dod at ein gilydd yn ein cymunedau ac ar draws y wlad i fynnu atebion teg sy’n rhoi pobl a’r blaned yn gyntaf. Mae hyn yn cynnwys gweithio gyda phartneriaid lleol fel grwpiau ffydd, banciau bwyd ac undebau llafur. Efallai y bydd yr adnoddau hyn yn ddefnyddiol i chi:
- Gwrthsefyll bygythiadau i weithredu hinsawdd a chyfiawnder
- Meithrin cynghreiriau lleol
- Sut mae brwydro yn erbyn camwybodaeth am newid yn yr hinsawdd
Dywedwch wrthym am eich cynlluniau
Beth bynnag rydych chi’n ei gynllunio, llenwch yr arolwg byr hwn i roi gwybod i ni am eich cynlluniau. Mae hyn er mwyn i ni allu cadw golwg ar yr effaith gyfunol rydyn ni’n ei chael, gwneud yn siŵr bod gennym ni’r gefnogaeth iawn ar gyfer eich ymgyrch, a helpu i hyrwyddo eich gweithgareddau ymgyrchu ymysg cefnogwyr yn eich ardal.
Rydyn ni wedi bod yn gyfeillion y ddaear ers dros 50 mlynedd a dydyn ni ddim yn mynd i stopio nawr. Gadewch i ni ennill camau gweithredu uchelgeisiol ar yr hinsawdd a natur yr etholiad hwn.
.